बुटवल, १३ फागुन ।
बुटवलमा जारी २१ औ तिलोत्तमा गोल्डकपको उपाधी पाहुना टोली दाउफिन्स एफसी क्यामरुङ्गले जितेको छ । सोमबार भएको फाईनल प्रतिष्पार्धमा नेपाल पुलिसलाई सडेनदेथमा हराउँदै उपाधि कब्जा गरेको हो ।
सडेन डेथमा ६–५ गोल ले दफिन्सले उपाधि जितेको हो । दफिन्सका नियाले हानेको गोल नै अन्तिम निर्णयक बन्यो । नेपाल प्रहरीले पटक पटक गोल गर्ने मौका पाएपनि मौका चुकाउदा दफिन्सले उपाधि रक्षा गरेको हो । यस अघि पोखरा कप र बुढासुब्बा गोल्डकपको उपाधि जितेको दाउफिन्सले तिलोत्तमा गोल्डकप जित्दै उपाधिमा ह्याट्रिक गरेको हो । सबैभन्दा ठूलो पुरस्कार राशीको खप्तड कप जितेको पुलिस क्लबले तिलोत्तमा गोल्डकप पाँचौ पटक उचाल्न सकेन । रुपन्देही ११ लाई हराएर दाउफिन्स र च्यासल युथ क्लबलाई हराएर नेपाल पुलिस क्लबले उपाधि जितेको हो । विजेताले ८ लाख ८० हजार नगदसहित गोल्डकप प्राप्त गरेको छ । उपविजेताले नेपाल पुलिसले ५ लाख ५० हजार नगद प्राप्त गरेको आयोजक रुपन्देही जिल्ला फुटबल संघका अध्यक्ष दीर्घबहादुर केसीले जानकारी दिनुभयो ।

दोस्रो हाफमा नेपाल प्रहरीका तिर्थ राना मगरले गोल गरे पनि अफसाईड गोल भएको थियो । सडेन डेथमा नेपाल प्रहरीका तेज तामांगको प्राहर गरेको गोल क्रसोले रोकि दिएका थिए । यस्तै जर्सी नम्बर ८ का नियाले प्रहार गरेको गोल रोशन खड्काले रोक्न सकेनन् र जालि चुम्न सफल भयो । यो संगै दफिन्सले उपाधि कब्जा गरेको हो । प्रतियोगिताको म्यान अफ द टुर्नामेन्ट (उत्कृष्ट खेलाडी) आयोजक रुपन्देही ११ का आशिष गुरुंग घोषित भई एक थान स्कुटर पुरस्कार प्राप्त गरे । यस्तै नेपाल पुलिसका रवि पासवान बेस्ट फरवार्ड, हेम तांग बेस्ट मिड फिल्डर, विक्रम धिमाल बेस्ट डिफेन्डर र अनन्त थापा उत्कृष्ट प्रशिक्षक घोषित भए । यस्तै दाफिन्सका प्रिसो उत्कृष् गोल रक्षक घोषित भए ।