पोखरा, २ चैत । गण्डकी मेडिकल कलेज पोखरामा अध्ययनरत म्याग्दीका शिशिर केसी फेवातालमा मृत भेटिएका छन् ।

बेनी वडा नंं ८ घर भई जीएमसीमा एमबीबीएस चौथो वर्षमा अध्ययनरत २३ वर्षीय शिशिर केसी शनिबार बिहान फेवातालमा मृत भेटिएका हुन् ।

वडा प्रहरी कार्यालय बैदामका प्रमुख प्रहरी नायव उपरीक्षक कोमल शाहले प्रारम्भिक अनुसन्धानमा शिशिरले आफ्नो साथीलाई पठाएको म्यासेज अनुसार शिशिर आफै हामफालेको तथ्य भेटिएको कास्की प्रहरीले जनाएको छ ।

प्रारम्भिक अनुसन्धानबाट शिशिरले डिप्रेशनको औषधि समेत प्रयोग गर्दै आएको बताईएको छ । प्याराग्लाइडिंग ल्याण्ड हुने स्थान खपौदी क्षेत्रमा भेटिएका शिशिरको शवलाई पोष्टमार्टमका लागि पोखरा स्वास्थ्य विज्ञान प्रतिष्ठान लगिएको प्रहरीले जनाएको छ ।

यस अघि फागुन १९ गते मात्रै कास्कीको अन्नपुर्ण गाँउपालिका २, ढिकुरपोखरीकी १९
वर्षीया दिव्या अधिकारीले यसैगरी फेवातालमा ज्यान फालेकी थिईन् ।