कपिलवस्तु, ३ चैत्र ।
२५ सय ६२ बर्ष अगाडी भगावन गौतम बुद्धले बुद्धत्व ज्ञान प्राप्त गरी आफ्नो घर फर्की आएको दिनलाई उत्सवका रुपमा मनाईने भएको छ । गौतम बुद्धले आफ्ना बुवा,श्रीमती छोरा लाई बुद्ध शासन मा प्रवेश गराएको फागु पुर्णिमाको दिनलाई उत्सवको रुपमा मनाउने तयारी गरिएको लुम्विनी विकास कोषका सदस्य तथा उत्सव आयोजना समितीका संयोजक राजेश ज्ञवालीले बताउनु भएको छ ।
कपिलवस्तुको तौलिहवामा भएको पत्रकार सम्मेलनमा बोल्दै ज्ञवालीले चैत्र ६ गते हुने निग्रोधराम उत्सवको बारेमा जानकारी गराएका थिए । ज्ञवालीका अनुसार उत्सव आयोजना क्षेत्र कुदान लाई प्रचिन बुद्धग्रन्थमा निग्रोधराम नामकरण गरिएको थियो । यस स्थानमा बुद्धले ज्ञान प्राप्त गरे पछि पहिलो पटक आफ्नो परिवारहरुलाई भेटघाट गरेका थिए ।
उत्सव आयोजना ले कपिलवस्तुको बुद्धका स्थान हरु प्रचार प्रसार हुनुको साथै यसको संरक्षण पनि हुने ज्ञवालीले बताए । पहिलो पटक गरिने निग्रोधराम उत्सवमा भिक्षुद्धार पुजापाठ , दिप प्रज्वलन तथा होली उत्सव साटसाट गरिने जानकारी गराएका छन ।