काठमाडौं,२० चैत । काठमाडौंमा दक्षिण एसियाली लेखा व्यवसायी महासंघको सम्मेलन हुने भएको छ । नेपाल चार्टर्ड एकाउन्टेन्ट्स संस्था(आईक्यान)ले बुधबार काठमाडौंमा पत्रकार सम्मेलन गरी दक्षिण एशीयाली लेखा व्यवसायी महासंघको सम्मेलन आयोजना गर्न लागिएको जानकारी गराएको हो ।

बिहीबारदेखि सुरु हुने तीन दिने सम्मेलनमा आर्थिक विकासका लागि आवश्यक लेखा प्रणालीका विषयमा छलफल हुने आईक्यानका अध्यक्ष जगन्नाथ उपाध्यायले जानकारी दिनुभयो ।

मुलुकलाई समृद्ध बनाउने अभियानमा साथ दिने उद्देश्यका साथ सम्मेलन नेपालमा आयोजना गर्न लागिएको आईक्यानले बताएको छ ।

डाक्टर युवराज खतिवडाले उद्घाटन गर्नु हुने सम्मेलनको पहिलो दिन आर्थिक विकासका लागि आवश्यक वातावरणको विषयमा छलफल हुनेछ । त्यसै, गरी दोस्रो दिन शुक्रबार महासंघका स्थायी समिति र शनिबार महासंघको बोर्ड बैठक बसी सम्मेलन समापन हुनेछ ।