काठमाडौं, २१चैत । डिउटीमा खटिएका दुई प्रहरीलाई रड प्रहार गर्ने एक व्यक्तिलाई प्रहरीले प्रक्राउ गरेको छ । सिन्धुली दुधौली नगरपालिका-७ का ४२ वर्षीय पदमबहादुर कार्कीलाई बिहीबार बिहान प्रहरीले पक्राउ गरेको हो ।
नागार्जुन नगरपालिका-९ स्युचाटार कमल पोखरीडाँडास्थित वाँसको झ्याङमा मादक पदार्थ सेवन गरी लुकेर बसेका कार्कीले फलामको रडले महानगरीय प्रहरी प्रभाग स्युचाटारबाट खटिएको प्रहरी गस्ती टोलीलाई प्रहार गरेका थिए ।
रड प्रहारबाट घाइते हुनेमा प्रहरी हवल्दार र प्रहरी जवन गरी २ जना छन् । दुवै प्रहरी कर्मचारीको नेपाल प्रहरी अस्पताल महाराजगंजमा उपचार भइरहेको छ ।
प्रतिक्रिया दिनुहोस्