काठमाडौं,२५ चैत । नेपाली कांग्रेसका सभापति शेरबहादुर देउवाले बोलाएको शीर्ष नेताहरुको बैठक नेता कृष्ण प्रसाद सिटौलाले बहिष्कार गर्नु भएको छ ।
कार्य सम्पादन समितिको बैठकमा किचलो उत्पन्न भएपछि सिटौलाले बैठक बहिष्कार गर्नु भएको हो । सभापति देउवाले वर्तमान र पूर्व पदाधिकारीको लागि नेताहरुलाई आफ्नै निवासमा बैठक बोलाउनु भएको थियो ।
सभापति देउवासहित बैठकमा वरिष्ठ नेता रामचन्द्र पौडेल, उपसभापतिद्धय विमलेन्द्र निधी र विजय गच्छदार, महामन्त्रीद्धय डा शशांक कोइराला र पूर्णबहादुर खड्का र प्रवक्ता शर्मासहितका नेताहरु सहभागी भएको बताइएको छ ।
शनिबारका लागि बोलाइएको केन्द्रीय समितिको बैठक भागवण्डामा सहमति नजुटेपछि स्थगित गरिएको थियो।
प्रतिक्रिया दिनुहोस्