काठमाडौं २८ चैत । मिडिया कम्युनिकेशन र विज्ञापनसम्वन्धी पहिलो प्रदर्शनी काठमाडौंमा सुरु भएको छ । प्रदर्शनीको नेपाल मिडिया सोसाइटीका अध्यक्ष शुभशंकर कँडेलले पानसमा बत्ति बालेर उद्घाटन गर्दै नेपालले विश्वमा विकास भइरहेको प्रविधिलाई प्रयोग गर्न नेपालमा निकै कठिन भएको बताए ।
प्रमुख अतिथिकिा रुपमा बोल्दै एबीसी मिडिया ग्रुपका अध्यक्ष समेत रहेका कँडेलले विदेशी प्रविधि, सीप र कला नेपालले सिक्नै पर्ने बताउँदै नेपालमा कुनै पनि तरिकाबाट आउनसक्ने विदेशी लगानीलाई स्वीकार गर्न नसकिने स्पष्ट गरे । नेपालमा मिडियाको विकासका लागि यो प्रर्दशनी एक महत्पूर्ण खुट्कीलो बन्ने कँडेलले बताए ।
नेपालको शासन संयन्त्र बदलिएपनि शासकीय शैली, संस्कार र बानी परिवर्तन नहुँदा संविधान र कानुनले प्रदत गरेका प्रेस स्वतन्त्रताम्बन्धी मान्यताहरु लागु गर्न अझै पनि चुनौति रहेको कँडेलले बताएका थिए।
कार्यक्रममा सामुदायिक प्रसारक संघका अध्यष सुभास खतिवडा, जनता टेलिभिजनका अध्यक्ष डा. विजय पौडेल, रातोपाटी अनलाइनका सञ्चालक ओम शर्मा र आयोजक संस्थाका अध्यक्ष डम्वर साहुले समेत प्रर्दशनीको महत्वको बारेमा मन्तव्य व्यक्त गरेका थिए ।
तीन दिन सम्म चल्ने प्रदर्शनीमा नेपालका अतिरिक्त चीन, भारत, बंगलादेश र श्रीलंकाका मिडिया प्रविधि उत्पादकहरुको सहभागीता रहेको छ ।