बीरगंज, २ बैशाख
सशस्त्र प्रहरीको भन्सार राजश्व गस्ती टोलीले अवैध रुपमा बीरगंज आसपास नाकाहरुवाट भन्सार छलेर भित्राउदै गरेको करिव चार लाख रुपैया मुल्य बराबरको अबैध सामान पक्राउ गरेको छ ।
सशस्त्र प्रहरी बल राजश्व तथा भन्सार गस्ती टोलीले बाराको बलिरामपुर र बीरगंज माहानगरपालिका १ स्थित छपकैैया भकुवा नाकाबाट तस्करहरुले टाउकोमा भारतबाट नेपाल तर्फ ल्याउदै गरेको अवस्थामा पक्राउ गरेको हो । सशस्त्र प्रहरीको भन्सार राजश्व गस्तीले बिशेष सुचनाको आधारमा अबैध रुपमा भन्सार छलेर नेपाल भित्रयाउदै गरेको ३ लाख ९२ हजार २ सय ९० रुपैया बराबरको लत्ताकपडा पक्राउ गरेको हो ।

आईतबार राती प्रहरीले यी सामान नियन्त्रणमा लिएको हो । सशस्त्र प्रहरीले करिव ४ लाख रुपैया बराबरको सामान पक्राउ गरेको राजश्व गस्तीका प्रमुख सशस्त्र प्रहरी नायव उपरिक्षक तिलक खडकाले जनाउनुभएको छ । नेपाल प्रहरीको छपकैया पोष्ट नजिकै सशस्त्र प्रहरीको राजश्व गस्ती टोलीले पक्राउ गरेको अबैध सामान आवश्यक कारवाहीको लागि बीरगंज भन्सार कार्यालयमा बुझाईएको छ ।