काठमाडौं, ५ बैशाख । पाल्पाको रिब्दिकाेट गाउँपालिका भवनमा बम विष्फोट जिल्लाको रिब्दीकोट गाउँपालिकामा बम विष्फोट भएको छ ।
विहिबार विहान २ बजेको समयमा गाउँपालिकाको भवनमा बम बिस्फोट भएको हो । बम बिस्फोट हुँदा गाउँपालिकाको छानो, कार्यालयका झ्याल, ढोकाका सिसा र कम्प्युटरमा क्षति पुगेको गाउँपालिकाका अध्यक्ष नारायण जिसीले जानकारी दिए । बम कसले र किन पड्काएको भन्ने विषयमा भने जानकारी प्राप्त नभएको जिल्ला प्रहरी कार्यालयले जनाएको छ ।
गाउँपालिकामा बम विष्फोट भएपछि स्थानीय त्रसित भएका छन् । आज विप्लव समूहको नेकपाले नेपाल बन्द गरेकाले पनि विप्लव समूहले आतंकीत पार्न बम विवफोट गराएको हुन सक्ने आंशक गरिएको छ । थप विवरण भने आउन बाँकि छ ।
प्रतिक्रिया दिनुहोस्