काठमाडौं, १८ बैशाख । नेपाल क्यान्सर हस्पिटल एण्ड रिसर्च सेन्टर, हरिसिद्धि तथा नेपाल क्यान्सर सपोर्ट ग्रुपले क्यान्सर सर्भाइभर मिट कार्यक्रम आयोजना गरेको छ ।
क्यान्सर रोगसंग लडेका र लडिरहेका बालबालिकाहरुको अनुभव साटासाट गराउने उदेश्यले जनचेतनामुलक सर्भाइभर मिट कार्यक्रम आयोजना गरिएको नेपाल क्यान्सर हस्पिटलका अध्यक्ष तथा डाक्टर सुदिप श्रेष्ठले जानकारी दिनुभयो ।

क्यान्सर रोग जटिल रोग हैन भन्दै क्यान्सर बारे जनचेतना फैलाउने र क्यान्सर विजयीहरुको मनोबल बढाउने उद्देश्यले बालबाललिकहरुको लागि कार्यक्रमको आयोजना गरिएको नेपाल क्यान्सर हस्पिटलका अध्यक्ष डा.सुदिप श्रेष्ठले बताउनुभयो ।

त्यसैगरि, नेपाल क्यान्सर हस्पिटल एण्ड रिसर्च सेन्टर तथा नेपाल क्यान्सर सपोर्ट ग्रुपले क्यान्सर विजयी बालबालिकाका लागि र्याम शो जुलाई १३ मा गर्ने जनाएको छ । क्यान्सर रोग भयानक रोग हो भन्ने जस्ता समाजमा रहेको गलत भ्रमलाई मेटाउनका लागि जनचेतना अभिविद्धिका लागि र्याम शो आयोजन गर्न लागिएको पनि अध्यक्ष श्रेष्ठले बताउनुभयो ।

बिगतमा गरिएको कार्यक्रमबाट क्यान्सर विजयीहरुको अझ मनोबल बढ्नुका साथै खुलेर आफुलाई क्यान्सर रोग लागेको हो भन्न सक्ने भएको बताउदै क्यान्सर रोगबाट पिडित व्यक्तिको मनोबल समेत बढाइरहेको नेपाल क्यान्सर हस्पिटलकी निर्देशक स्वरुपा श्रेष्ठको भनाइ छ । नेपाल क्यान्सर हस्पिटल एण्ड रिसर्च सेन्टरले बिगतका दिनहरुमा पनि क्यान्सर रोग जटिल रोग हैन भन्दै क्यान्सर बारे जनचेतना फैलाउने र क्यान्सर विजयीहरुको मनोबल बढाउने उद्देश्यले विविध कार्यक्रम आयोजना गर्दै आइरहेको छ ।