बुटवल, १२ असार । नेपाल कम्युनिष्ट पार्टी नेकपाका स्थायी समिती सदस्य तथा प्रदेश ५ सरकारका मुख्यमन्त्री शंकर पोखरेलले नेपाल कम्युनिष्ट पार्टी नेकपाको कार्यनिती जनताको जनवाद नै भएको स्पष्ट पार्नुभएको छ ।

जननेता मदन भण्डारीको जन्म जयन्तीका अवसरमा मदन भण्डारी फाउण्डेसनले आज बुटवलमा आयोजना गरेको अन्तरक्रीया कार्यक्रममा बोल्दै मुख्यमन्त्री पोखरेलले महाधिवेशनबाट जनताको बहुदलिय जनबादको निती पारित गर्ने ढोका खुल्ला रहेपनि तत्त्कालका लागि पार्टीको कार्यनिती जनताको जनबाद नै भएको बताउनु भयो ।

बिश्व कम्युनिष्ट आन्दोलनको नबिन प्रयोगका रुपमा आएको जनतको बहुदलिय जनबादको औचित्य अहिले पनि उत्तीकै महत्वपूर्ण रहेको बताउंदै उहांले गणतन्त्र स्थापना, समावेशी समानुपातीक प्रतिनिधीत्वको ब्यवस्था तथा संघिय संरचना निर्माणमा जनतको जनबादको पनि ठूलो योगदान रहेको चर्चा गर्नुभयो । पार्टी कार्यकर्ताहरुलाई दुबै बिचारका पक्षमा बहस गर्न भने छुट रहेको उहांको भनाई छ ।

नेकपाको प्रदेश नम्बर ५ का ईन्चार्ज समेत रहेका मुख्यमन्त्री पोखरेलले कम्युनिष्ट आन्दोलनले पुजिबादको बिकास गर्नै नसक्ने उल्लेख गर्दै पुंजिबादलाई कमजोर नपारी समाजबाद नआउने बताउनुभयो । कम्युनिष्ट पार्टीले पुंजिको उपयोग गरेपनि पुंजिबादको सेवा भने गर्न नसक्ने उहांको भनाई छ । बेदीले मदन भण्डारीको बिचारको औचित्य जिवन जिबान्तर सम्म रहिरहने बताउनुभयो ।