काठमाडौं ९ कात्तिक,। प्रदेश र प्रतिनिधिसभा निर्वाचनका लागि अलग अलग मतपत्र छाप्न सर्वोच्चले दिएको आदेश चुनाव भाँड्ने उद्देश्यले आएको एमालेले निश्कर्ष निकालेको छ । सरकार र सर्वोच्चको बुधबारको आदेश चुनावमाथि संशय पैदा गर्न लागेको भन्दै ४ बजे एमाले र माओवादी अध्यक्षले संयुक्त पत्रकार सम्मेलन गर्ने भएका छन् ।
सर्वोच्चको आदेशपछिको अवस्थाबारे छलफल गर्दै एमाले स्थायी कमिटी बैठकले सरकारको चुनाव भांड्ने उद्धेश्यलाई बुधबारको सर्वोच्चको आदेशल बल पुर्र्र्याएको निश्कर्ष निकालेको छ।
एमाले अध्यक्ष केपी ओलीका प्रमुख निजी सचिव राजेश ब्रजाचार्यका अनुसार विकसित राजनीतिक स्थिति र चुनावका बारेमा बाम गठवन्धले धारणा सर्वाजनिक गर्न पत्रकार सम्मेलन गर्न लागेको हो ।

दुई न्यायाधीशको संयुक्त इजलासले निर्णय गरिसकेको मुद्दामा एकल इजलासले अर्को आदेश दिएको बारेमा एमाले बैठकमा छलफल भएको थियो । अदालत नियतवश निर्वाचन आयोगको कार्यक्षेत्रमा प्रवेश गर्न खोजेको एमाले बैठकले आशंका गरेको छ ।