काठमाडौ,१० साउन । मनसुनपछिको विपद्का कारण देशभर १ सय ११ जनाले ज्यान गुमाएका छन् ।
विपदमा परेर ४० जना बेपत्ता छन् भने ६७ घाइते भएको गृहमन्त्रालयको राष्ट्रिय आपत्कालीन कार्य सञ्चालन केन्द्रले जनाएको छ । ज्यान गुमाउनेमा सबैभन्दा बढी गुल्मीमा १३ जना रहेका छन् । यस्तै, बाढीबाट रौतहटमा १० जनाले ज्यान गुमाएको केन्द्रका प्रमुख वेदनिधि खनालले जानकारी दिनुभयो । उहा“ले अहिलेसम्म सबैभन्दा बढी बाढीबाट ५८ जना, पहिरोबाट ४५ र भारी वर्षाका कारण आठ जनाले ज्यान गुमाएको बताउनुभयो ।
अहिलेसम्म बाढीबाट १ सय २८ र पहिरोबाट २ सय ८ घटना भएको केन्द्रले जनाएको छ । बाढीबाट ३१ जना तथा पहिरोमा परेर ९ जना बेपत्ता भएका छन् । अहिलेसम्म बाढीबाट एक अर्ब रुपैया“भन्दा बढीको क्षति भएको छ । यस्तै, पहिरोबाट दुई करोड रुपैया“भन्दा बढीको क्षति भएको छ ।
प्रतिक्रिया दिनुहोस्