काठमाडौं, १२ साउन ।  धादिङ जिल्ला स्थित श्री आदर्श मा.वि.गजुरीका पूर्व विद्यार्थीहरुको संस्था श्री आर्दश स्कुल्स स्टुडेन्ट्स एल्मुनाई (आशा) ले शनिबार कलंकी स्थित एड्मार्क कलेजमा रक्तदान कार्यक्रमको आयोजना गरेका छन् ।

संस्थाका अध्यक्ष किरण श्रेष्ठले यस्तो रक्तदानले बाढिपहिरो र दुर्घटनामा परेकाहरुलाई सहयोग गर्ने उदेश्यले पनि कार्यक्रम आयोजना गरेको बताए । उनले भने, अब चाडै नै गाउँका बिद्यालायका किशोरीहरुलाई लक्षित गरी बिभिन्न कार्यसँगै स्वास्थ्य शिविर पनि संचालन गरिने छ ।
रगतको अभाव पूर्ती गर्नका लागि विभन्न पेशा व्यवसायमा सम्लग्न रहेकाहरुले आयोजना गरेको रक्तदान कार्यक्रममा संचारकर्मी, व्यवसायी, कलाकार राजनीतिक कार्यकर्ताहरु तथा पुर्व बिद्यार्थीहरुले रक्तादान गरेका थिए ।

रक्तदानले हरेक बिपत्तिका कारण भईरहने रगत अभावलाई पूर्ती गर्न सहयोग पुग्ने एल्मुनाईका महासचिव उमाकान्त थपलियाले बताए । एल्मुनाईका अध्यक्ष किरण श्रेष्ठको अध्यक्षतामा भएको रक्तदान कार्यक्रममा गजुरी आदर्श मा ।वि। का पूर्व प्रधानाध्यापक सुदर्शन पाण्डे, कलाकार श्रीकृष्ण सिंखडा लगायतको सहभागिता रहेको थियो । उक्त कार्यक्रममा ३५ भन्दा बढीले रक्तदान गरेका थिए ।