कैलाली, २१ साउन । मोटरसाईकलको ठक्करबाट कैलालीमा एक जनाको मृत्यु भएको छ । जिल्लाको गौरीगंगा नगरपालिका वडा नम्वर ८ स्थित भित्रि सडकमा से ४ प ७६११ नम्बरको मोटरसाईकलले ठक्कर दिँदा ३९ बर्षीय पैदल यात्री धिमु चौधरीको मृत्यु भएको हो ।
मोटरसाईकलको ठक्करवाट गम्भिर घाईते भएका चौधरीलाई उपचारका लागि धनगढी स्थित निसर्ग हस्पिटलमा लगिएको थियो । तर निसर्ग हस्पिटलमा उपचार सम्भब नभएपछि उनलाई थप उपचारका लागि कोहलपुर रेफर गरिएको थियो । रेफर पछि कोहलपुर लैजादै गर्दा उनको बाटोमै मृत्यु भएको जिल्ला प्रहरी कार्यालय कैलालीले जनाएको छ ।
ठक्कर दिने मोटरसाईकल र चालक ६५ बर्षीय जयवहादुर चियाकोटीलाई नियन्त्रणमा लिएको जिल्ला प्रहरी कार्यालय कैलालीकाले जनाएको छ।
प्रतिक्रिया दिनुहोस्