उदयपुर, २१ साउन । उदयपुर र सुनसरीमा आज बिहान भएको एम्बुलेन्स दुर्घटनामा ११ जना घाईते भएका छन् ।

आज बिहान साँढे ३ बजे उदयपुरको त्रियुगा नगरपालिका ६ चुरेमा अनियन्त्रित भई दुर्घटना भएको हो । एम्बुलेन्समा सवार त्रियुगा नगरपालिका ६ का सदहरुल मिया, उनको छोरी २८ बर्षीया सहिजा मिया, ३५ बर्षीय मोहमद हमिद, ४० बर्षीया सहिपुन खातुन, ७५ बर्षीया हजरा खातुन, त्रियुगा नगरपालिका १२ की ३२ बर्षीय अम्बिका बि.क. र उनको छोरा ११ बर्षीय अशोक बि.क. घाईते भएका छन् । घाईते सबैजनाको जिल्ला अस्पताल उदयपुरमा उपचार भईरहेको छ । चालक र एम्बुलेन्स ईलाका प्रहरी कार्यालय जलजलेको नियन्त्रणमा रहेको जिल्ला प्रहरी कार्यालय उदयपुरले जनाएको छ ।

यसैगरी उदयपुरको उदयपुरगढी गाउँपालिका १ बाट सुत्केरी ब्यथा लागेको बिरामी बोकेर बिराटनगर तर्फ आउँदै गरेको स १ झ ५२६ नम्बरको एम्बुलेन्स सुनसरीको गढी गाउँपालिका २ को थलाहा पुलमा दुर्घटना भएको छ । आज बिहान ३ बजे ठोक्किएर दुर्घटना हुँदा एम्बुलेन्समा सवार उदयपुर गढी गाउँपालिका १ की ३२ बर्षीया सबिना बास्तोला , उनको श्रीमान ३६ बर्षीय खेमबहादुर बास्तोला, ३६ बर्षीय सिताराम बास्तोला घाईते भएका छन् । उनीहरुको बिराट टिचिङ अस्पताल गंगा चौकमा उपचार भईरहेको छ । २८ बर्षिय चालक नीरबहादुर पुलामी मगरको गोल्डेन अस्पताल बिराटनगरमा उपचार भईरहेको जिल्ला प्रहरी कार्यालय सुनसरीले जनाएको छ ।