कपिलवस्तु , २७ साउन । साउन महिनाको चौथौ तथा अन्तिम सोमवार तौलिहवा स्थित तौलेश्वरनाथ धामको प्राचीन तौलेश्वर नाथ महादेव मन्दिरमा लाखौ भक्तजनहरुले जलापर्ण गरेका छन् । भक्तजनहरुले बाणगंगा नदीको रामघाट भागिरथी नदी नदीमा स्नान गरि सो मन्दिरमा जलापर्ण गरेका हुन । आइतबार राती नदी किनारमा भजन किर्तन, नाचगान गरि उनीहरुले महादेवलाई नदीको जल सोमबार विहान अर्पण गरेका थिए । जर्लापणको लागि जिल्लाको विभिन्न स्थानबाट हजारौको संख्यामा तिर्थालुहरु तौलिहवा आएका छन ।

तिथी अनुसार साउनको तेस्रो सोमवार जलापर्ण यात्रामा भक्तजनहरुको ठुलो भीड लागेको थियो । आराध्य देव शिवको प्यारो महिना साउन त्यस्मा पनि सोमवारका दिन स्नान गरी शिव मन्दिरमा जलापर्ण गर्नाले पाँप नाश भई पुण्यफल मिल्ने भक्तजनहरुको बिश्वास छ । साउनमा पर्ने सोमवारका दिन ब्रत बसी जलापर्ण गर्नाले मनोकांक्षा समेत पुरा हुने भन्दै उनीहरु जलपर्ण यात्रामा सहभागी भएका थिए । सदरमुकाम देखि ५ किमी टाढा रहेको नदी बाट भक्तजन तथा बालबालिकाहरुले जल लिएर “बोल बम” भन्दै मन्दिरमा आइ जर्लापण समेत गरेका थिए ।

साउन महिनाको सोमवारका लागि स्थानीय प्रशासनले बिशेष सुरक्षा ब्यवस्था मिलाएको छ । गाउ गाउबाट जलयात्रामा स–साना बालबालिका देखि युवा, महिला तथा बृद्धहरुले समेत पहेलो वस्त्र धारण गरी काधमा कावर लिएर सहभागी रहेका थिए । मन्दिरमा भक्तजनहरुलाई बिभिन्न संघ संस्था र ब्यक्तिहरुले प्रसादको समेत ब्यस्था गरेका थिए । साउन महिनामा मन्दिरमा हुने भक्तजनहरुको चापलाई मध्य नजर गर्दै मन्दिरमा बिशेष प्रबन्ध मिलाईएको मन्दिर ब्यवस्थापन समितिका सचिव हरिशचन्द्रलाल श्रीवास्तवले बताए । आजाको दिनमा लगभग तिन लाख भत्तजन हरु मन्दिरमा दर्शन गर्न आएका सचिवले बताएका छन ।