काठमाडौं,  ६ पुस । हरेक वर्ष बजेट निकासा हु“दा सडक र यातायताका लागी पनि करोडांै बजेट छुट्याइन्छ । तर पनि सडक र यातायात पूर्वाधारको अवस्था भने ज्यू“ का त्यूँ नै रहेको छ । सडक दुर्घटनाकै कारण धेरैले ज्यान गुमाउनुपरेको छ भने कयौंं घाइते भएका छन् ।

कार्तिक महिनामा सिन्धुपाल्चोकको सुकुटे नजिकै सुनकोशी नदीमा बस दुर्घटना हुंदा १७ जनाको मृत्यु भएको थियो भने मंसिरमा अर्घाखाँचीको सन्धिखर्क–६ सल्लेरीमा भएको बस दुर्घटनामा १९ जनाको मृत्यु भयो भने १८ जना घाइते भए ।

मसिंरको अन्त्यमा दोलखा जिल्लाको कालिन्चोकबाट भक्तपुर फर्किरहेको एउटा यात्रुवाहक बस सिन्धुपाल्चोक जिल्लाको सुनकोशी गाउपालिकाको छ किलो भन्ने स्थानमा दुर्घटना हुंदा १५ जनाले ज्यान गुमाए । यी त केहि प्रतिनिधी घटना मात्र हुन् दिनहुजसो हुने यस्ता दुर्घटनाले जनधनको क्षति भइरहेको छ । सडक दुर्घटना हुनुमा धेरै कारणहरु हुने गर्दछन् ।

सडकको जिर्ण अवस्था, सवारी साधनको अवस्था, चालकको लापरवाही, क्षमताभन्दा बढी यात्रु बोक्ने प्रवृत्ति र यात्रुको पनि असावधानीजस्ताकारण नेपालमा हुने अधिकांश सडक दुर्घटनाको मुख्य कारण भएको महानगरिय ट्राफिक प्रहरी महाशाखाको भनाइ छ । उपत्यकाकै कुरा गर्नुपर्दा दैनिक १३ लाखको हाराहारीमा सवारी सञ्चालन हुने उपत्यकामा जम्मा १३ सय ट्राफिक अधिकृत र जवान कार्यरत रहेका छन् । ९ लाख भन्दा बढी सवारी साधन रहेको र दैनिक हुने आन्दोलदन र ¥यालीहरुका कारण ट्राफिक व्यवस्थापनमा असहज हुने गरेको महानगरिय ट्राफिक प्रहरी महाशाखा प्रमुख भीम ढकालले बताउछन् ।

त्यसो त पछिल्लो समय सरकारबाट विभिन्न राजमार्गहरुमा सडक दुर्घटनालाई रोक्न पहल भइरहेको बताइएको छ ।
सरकारले सडक क्षेत्रमा हुने दुर्घटना न्यूनिकरण गर्न र यस विषयलाई उचित सम्बोधन गर्न नसकेको गुनासो बारम्बार आउने गरेको छ । सडकमा हजारौं सवारीसाधन थपिदा पनि सडकको गुणस्तर र सवारी साधनको अवस्था र क्षमता उस्तै छ,

व्यवस्थित, सुरक्षित, गुणस्तरीय र यात्रुमैत्री सेवाको सुनिश्चित गर्न राज्य नै मुख्य जिम्मेवार निकाय हो । तर सडक दुघर्टनामा अकालमै सर्वसाधारणले ज्यान गुमाइरहदा पनि राज्य संवेदनशिल बन्न सकेको छैन । ३ दशक अघि निर्माण भएको सडकको समेत विभिन ठाउमा स्तरोन्नती हुन सकेको छैन । सवारी तथा मालवाहक गाडीको क्षमता तथा परिक्षण, सवारी चालक लाइसेन्स परिक्षण, ट्राफिक व्यवस्थापन जस्ता महत्वपूर्ण सवालमा राज्य संवेदनशिल बन्नैपर्छ ।