काठमाडौं, २१ पुस । प्रधानमन्त्री तथा मन्त्रिपरिषद्को कार्यालय अन्तर्गतको सार्वजनिक खरिद अनुगमन कार्यालयले रमण–पप्पु जेभी कम्पनीलाई एक वर्षको लागि कालोसूचीमा राख्ने निर्णय गरेको छ ।

कार्यालयले सोमबार एक सूचना जारी गरी भनेको छ,“भौतिक पूर्वाधार तथा यातायात मन्त्रालय, सडक विभाग, हुलाकी सडक निर्देशनालय टेकुबाट लेखी आए बमोजिम् यस कार्यालयको मिति २०७६ पुस १८ गतेको निर्णय अनुसार सार्वजनिक खरिद नियमावली २०६४को नियम १४१को उपनियम १३ बमोजिम् २०७६ साउन २१ गतेदेखि लागु हुने गरी रमण–पप्पु जेभी जनकपुर–९, धनुषालाई सार्वजनिक खरिद ऐन,२०६३को दफा ६३ को उपदफा १ बमोजिम् १ वर्ष अवधीको लागि कालोसूचीमा राखिएकोले उक्त निर्माण व्यवसायीले कालोसूचीमा राखिएको अवधीभर सार्वजनिक निकायको कुनैपनि खरिद कारवाहीमा भाग लिन नसक्ने व्यहोरा सम्बन्धित सबै सार्वजनिक निकायहरुको जानकारीका लागि यो सूचना प्रकाशित गरिएको छ ।”