कविराज विसी

काठमाडौं, ८ मंसिर । आइतबार पहिलो चरणको आम निर्वाचन सम्पन्न भएको छ । आज आइतवार भएको मतदानले केही उम्मेदवारको राजनीतिक भाग्य एवं भविश्यको रेखा कोर्दैछ । उनीहरुको भाग्य आइतबार मतपेटिकामा कैद भएको छ उक्त भाग्य मंसिर २१ पछि खुल्नेछ । पहिलो चरणको सम्पन्न चुनावमा भाग्य रेखा कोरीएका ठूला नेताहरुको चर्चा गर्दा सिन्धुपाल्चोक, गोरखा र नुवाकोटलाई सम्झनुपर्ने रहेका छन् भने त्यसैगरी ताप्लेजुङले पनि ठूला नेताको भविश्यबारे निर्धारण गरि सकेको छ । पहिलो चरणको चुनावमा सबैभन्दा बढी चर्चा गोरखाको छ । जहाँ नयाँशक्ति पार्टीका संयोजक एवं पूर्वप्रधानमन्त्री डा. बाबुराम भट्टराई माओवादीका बरिष्ठ नेता नारायणकाजी श्रेष्ठसँग चुनावी प्रतिस्पर्धा गरिरहेका थिए ।
गोरखामै नेपाली कांग्रेसका अर्का राष्ट्रिय नेता चीनकाजी श्रेष्ठ पनि क्षेत्र नम्बर १ बाट चुनाव लडेका थिए भने उनले एमाले माओवादी गठबन्धनको सामना गरेका छन् तर सवै नेताको भाग्य मतमेटीमा सुरक्षीत रहेको छ ।
राप्रपा प्रजातान्त्रिकका अध्यक्षसमेत रहेका बरिष्ठ राजनीतिज्ञ पशुपतिसमशेर राणा सिन्धुपाल्चोक २ मा वाम गठबन्धनका उम्मदेवार शेरबहादुर तामाङसँग आफ्नो भाग्यको परीक्षा लगेका छन् । पशुपतिसमशेरको जितहारलाई उसको गठबन्धन पार्टनर नेपाली कांग्रेसले महत्वका साथ हेरेको छ । तर, वाम गठबन्धनको चुनौती पार गर्नुपर्ने राणासँग चुनौती छ ।

सिन्धुपाल्चोक १ मा माओवादी नेता एवं पूर्वमन्त्री अग्नी सापकोटा र बहालवाला मन्त्री मोहनबहादुर बस्नेतको अग्निपरीक्षा आइतबारको मतदानबाट बाट फैसला भईसकेका छ तर नतिजा भने केही दिन पर्खनुपर्ने भएको छ । पहिलो चरणको निर्वाचनमा अर्को हेभीवेट भिडन्त भएको ठाउ नुवाकोट हो । सो जिल्लामा कांग्रेस नेता अर्जुननरसिंह केसीले आफूलाई भावी ‘प्रधानमन्त्री’ बताउँदै भोट मागिरहेका थिए । नुवाकोटमै डा. रामशरण महत अर्का कांग्रेसका हस्ती उठेका थिए । महत कांग्रेसको सरकारका अर्थमन्त्रीमा एकल दाबेदार थिए । तथापि कांग्रेसका यी दुबै हस्तीहरुले नुवाकोटमा वाम गठबन्धनका मझौला कदका नेताहरुलाई जित्नुपर्ने चुनौती थियो तर आज सम्पन्न मतदानले यसको हिसाब–किताव गरि दिएको छ । नतिजा पर्खनु विकल्प पनि छैन । ताप्लेजुङ जहाँ एमालेका केन्द्रंीय सचिव योगेश भट्टराईको भाग्य को समेत फैसला हुने छ भने पाँचथरमा कांग्रेसका भीष्मराज आङदेम्बे र एमालेका बसन्त नेम्वाङको राजनीतिक भविश्य पनि मतपेटीका सुरक्षित रहेका छ ।
यसै गरि संखुवासभामा एमालेका पुराना नेता राजेन्द्र गौतम र कांग्रेसका पूर्वमन्त्री दीपक खड्काको भाग्य परीक्षा गरेको छ । सोलुखुम्बुमा कांग्रेसका पुराना नेता बलबहादुर केसीलाई सामान्य नेताले चुनौती दिँदैछन् । खोटाङमा भने दुबै गठबन्धनबाट मझौला कदका नेताहरु चुनावी प्रतिस्पर्धामा रहेका थिए । पहिलो चरणमा मतदान हुने भोजपुरमा प्रतिनिधिसभामा सामान्य नेता उठे पनि प्रदेशमा चर्चित युवा उम्मेदारको पूर्वसञ्चारमन्त्री शेरधन राई, पूर्वअखिल अध्यक्ष राजेन्द्र राई र संघीय समाजवादीबाट कांग्रेसको साथ लिएका युवा नेता अजम्बर काङमाङ राईको उपस्थितिले भोजपुरमा केन्द्रंको भन्दा प्रदेशको चुनावलाई रोचक बनाएको थियो ।
त्यसैगरी लमजुङका मतदाताले पनि आइतबार ठूला नेताहरुको भाग्यको फैसला जनतले गरेका छन् । प्रतिनिधिसभामा माओवादी नेता देव गुरुङ र कांग्रेस नेता दिलबहादुर घर्तीको परीक्षा हुँदैछ भने प्रदेशमा मुख्यमन्त्रीका दाबेदार रहेका पृथ्वीसुब्बा गुरुङको परीक्षा भएको छ ।
पहिलो चरणमा आइतबार मतदान चुनाव हुने धादिङ जिल्लामा पनि केन्द्रको भन्दा प्रदेशेको चुनावमा रौनक छ । किनभने त्यहाँ एमाले नेता राजेन्द्र पाण्डे, माओवादीका शालिकराम जमर कट्टेल लगायतका नेताहरु प्रदेशमा थिए । प्रतिनिधिसभामा त्यहाँबाट मझौला नेताहरु भिड्दैछन् ।
त्यसैगरी पहिलो चरणका चर्चित अनुहारहरुमा बाग्लुङबाट देवेन्द्र पौडेल,रुकुमबाट जनार्दन शर्मा, कमला पुन, रोल्पाबाट वर्षमान पुन, जाजरकोटबाट शक्तिबहादुर बस्नेत र राजीवविक्रम शाह चुनाबी मैदानमा रहेका थिए भने हुम्लाबाट जीवनबहादुर शाही र कालीकोटबाट महेन्द्रबहादुर शाही प्रदेशको मुख्यमन्त्रीका रुपमा चुनावी रहेका थिए ।