बर्दिया, १४ जेठ । गुलरियाको बबई बहुमुखी क्याम्पसमा रहेको क्वारेन्टाइनमा बसेका एक जनाको मंगलबार राति मृत्यु भएको छ । गुलरिया नगरपालिका–९ का ५५ वर्षीय पुरुषको क्वारेन्टाइनमा मृत्यु भएको हो । अछाममा मजदुरी गरी फर्केका १६ जनामध्ये ती पुरुष बबई क्याम्पसको क्वारेन्टाइनमा थिए । मंगलबार राति ८ बजे उनको मृत्यु भएपछि बबई क्याम्पस सिल गरिएको छ । उनको शव जिल्ला अस्पताल गुलरियामा ल्याई स्वाब संकलन गरी पठाउने तयारी भएको स्वास्थ्य अधिकृत सुनिल पाण्डेले जानकारी दिनुभयो । उनीसँग आएका ४ जना आधारभूत विद्यालय खैरीको क्वारेन्टाइनमा छन् । अन्य १४ जनासहित २९ जना बबई बहुमुखी क्याम्सको क्वारेन्टाइनमा छन् । मृत्युको कारण अनुसन्धान भइरहेको प्रहरीले जनाएको छ ।
१२ असार २०८३, शुक्रबार
बर्दियाको क्वारेन्टाइनमा एक जनाको मृत्यु
एबीसी न्यूज
१४ जेष्ठ २०७७, बुधबार १० : १२ बजे
प्रतिक्रिया दिनुहोस्