वीरगञ्ज, ३१ जेठ । पर्सामा वेवारिसे शवमा कोरोना संक्रमण देखिएको छ । वीरगञ्जको घण्टाघरमा मृत भेटिएका अन्दाजी २५ वर्षीय पुरुषमा कोरोना संक्रमण पुष्टि भएको हो । वीरगञ्जको घण्टाघरमा भेटिएका मृतकको नाम, थर, ठेगाना खुलेको छैन । उनको शव पोष्टमार्टमपछि पनि नारायणी अस्पतालमै राखिएको थियो । बेवारिसे शव भए पनि पीसीआर परीक्षणका लागि अस्पतालले स्वाब संकलन गरेको थियो । मृतकको पीसीआर रिपोर्ट पोजेटिभ आएको नारायणी अस्पतालको एक स्रोतले जनाएको छ । यस अघि नेपालमा कोरोना संक्रमणबाट १६ जनाको मृत्यु भइसकेको छ । शव उठाउने लगायतका कार्यमा खटिएका तीन जना प्रहरीलाई क्वारेन्टिनमा राखिएको छ ।
११ असार २०८३, बिहिबार
पर्सामा बेवारिसे शवमा कोरोना संक्रमण पुष्टि
एबीसी न्यूज
३१ जेष्ठ २०७७, शनिबार ८ : १५ बजे
प्रतिक्रिया दिनुहोस्