काठमाडौं, ५ पुस नेपाल कम्युनिष्ट पार्टी ९नेकपा० का अध्यक्ष केपी शर्मा ओली तथा पुष्पकमल दाहाल ‘प्रचण्ड’बीच बालुवाटारमा छलफल शुरुभएको छ । अध्यक्ष प्रचण्ड प्रधानमन्त्री तथा अध्यक्ष ओलीलाई भेट्न प्रधानमन्त्रीको सरकारी निवास बालुवाटार पुग्नुभएपछि छलफल शुरुभएको प्रधानमन्त्रीको सचिवालयले जनाएको छ ।
प्रधानमन्त्रीका प्रेस विज्ञ रामशरण बजगाईकाअनुसार अहिले बालुवाटारमा दुई अध्यक्षबीच एक्लाएक्लै बार्ता भइरहेको छ । आज दिउँसो १ बजेदेखि स्थायी कमिटी बस्ने तय भएपनि दुई अध्यक्षबीच १ बजेबाट छलफल शुरुभएको उहाँले बताउनुभयो । दुई अध्यक्षबीचको छलफलपछि स्थायी कमिटी बैठक बस्ने नबस्नेबारे टुङ्गो लाग्नसक्ने उहाँले बताउनुभयो ।
प्रधानमन्त्री ओलीले संसद विघटन गर्ने प्रस्ताव मन्त्रिपरिषदबाट निर्णय गराई राष्ट्रपति कार्यालयमा सिफारिस गर्नुभएपछि देशको राजनीति पुनः तरङ्गित भएको छ । नेकपाभित्रका नेता तथा सांसदहरु छुट्टाछुट्टै छलफल र भेलामा जुट्नुभएको छ । उता प्रमुख प्रतिपक्षी दलको पनि आकस्मिक बैठक तयारी भएको छ ।
प्रतिक्रिया दिनुहोस्