हेमन्त के सी जाजरकोट , ९ पुस
टेलिफोन सुधार नभएको गुनासो वढीरहेको वेला यहाँका सांसद नेपाल टेलिकमको केन्दीय कार्यालयमा गएर सुधारको माग गरेका छन् ।
जाजरकोट निर्वाचित सांसद, प्रदेशसभा सदस्य गणेसप्रसाद सिंहको नेतृत्वमा गएको टोलीले आईतवार यस्तो माग गरेको हो । जाजरकोटका विभिन्न १२ ठाउँमा नेपाल टेलिकमको नयाँ टावर थप्नुपर्ने भन्दै पुराना टावरको मर्मत तुरुन्तै गर्न अनुरोध गरिएको सांसद गणेसप्रसाद सिंहले जानकारी दिनुभयो । टेलिकम कार्यालयले जाजरकोटका मर्मत गर्नुपर्ने टावर र नयाँ थप्नुपर्ने टावरको काम तत्काल गरिने जानकारी दिएको सांसद सिंहले वताउनुभयो । जाजरकोटका सवै ठाउँमा रहेका टावरमा अव दुई हप्ता भित्र थ्री जि ईन्टरनेट जोडिने आफुलाई टेलिमकले जानकारी दिएको उहाँले वताउनुभयो ।
सांसद सिंहले चुनावको समयमा जाजरकोटको टेलिफोन सेवा सुधार गर्ने चुनावी नारा वनाउनु भएको थियो । रोल्पा हुँदै जाजरकोटका सवै टावरको मर्मत र नयाँ स्टामेटका लागि टोली सोमवार हिड्ने समेत उहाँले वताउनुभयो । जाजरकोटका ग्रामीण क्षेत्रमा विहान ८ वजे देखि वेलुका ६ वजे सम्म मात्र फोनले काम गर्छ भने रातीभर टावर वन्द हुँने गर्दछ । चाहिएको समयमा कुरा नहुँदा निकै समस्य हुँदै आएको छ । फोन गर्नका लागि टावर आएको समयमा पनि अग्ला डाडाँमा जानुपर्ने वाध्यता हुँदा थप समस्य हुँदै आएको छ ।