काठमाडौं ।  साताको अन्तिम कारोबार दिन आज पनि शेयर बजार परिसूचक नेप्से दोहोरो अंकले बढेको छ ।
शेयर बजार परिसूचक नेप्से आज १३ अङ्कले बढेको छ । नेप्से १३ दशमलव शून्य चार अङ्कले बढेर दुई हजार सात सय ८२ दशमलव १६ विन्दुमा पुगेको छ । आज विकास बैंक समूहको शेयर ५० अङ्कले, हाइड्रोको ६५, फाइनान्सको १३, अन्यको ४७ र माइक्रोफाइनान्स समूहको शेयर एक सय ३० अङ्कले बढेको छ । आज निर्जीवन बीमा समूहको शेयर सबैभन्दा धेरै ८७ अङ्कले घटेको छ । आज दुई सय २२ कम्पनीका ९२ लाख ३६ हजार कित्ता शेयर पा“च अर्ब ३९ करोड रुपैया“मा कारोबार भएको छ । आज रिडी हाइड्रोपावर कम्पनीको शेयर १० प्रतिशतले बढेको छ ।

यस्तै मनकामना स्मार्ट लघुवित्त र हिमालयन पावरको शेयर नौ प्रतिशतभन्दा धेरैले बढेको छ । आज एनएमबी हाइब्रिड फन्डको शेयर भने तीन प्रतिशतभन्दा धेरैले घटेको छ । यसैबीच यो हप्ताभरि नै शेयर बजार बढेको छ । गएको बिहीवार १४ अङ्कले घटेर दुई हजार पा“च सय ५६ अङ्कमा झरेको नेप्से त्यसपछि गएको आइतवारदेखि लगातार पा“च दिन बढ्दा दुई हजार सात सय ८२ विन्दुमा आइपुगेको हो ।