काठमाडौं । नेपाली कांग्रेसको संस्थापनइतर पक्ष पार्टीको १४औं महाधिवेशनका लागि सभापतिको उम्मेदवार टुंगो लगाउन ठमेलको चाक्सीबारीस्थित प्रकाशमान सिंहको निवासमा बैठक शुरू भएको छ । वरिष्ठ नेता रामचन्द्र पौडेल, महामन्त्री डा. शशांक कोइराला, पूर्वमहामन्त्री प्रकाशमान सिंह र केन्द्रीय सदस्य डा. शेखर कोइरालाबीच सोमबार भएको छलफल टुंगोमा नपुगेपछि मंगलबार पुनः बैठक बोलाइएको हो ।
यी चारैजना नेताहरुले सभापतिको उम्मेदवारमा दाबी गरेकाले सहमति जुटाउन सकस परिरहेको छ । नेता प्रकाशमान सिंहले सहमतिमा पुग्ने प्रयासमा आज पनि छलफल जारी राख्ने बताउनुभयो । यही मंसिर २४ गतेदेखि २७ गतेसम्म काठमाडौं हुने कांग्रेसको १४औं महाधिवेशनमा संस्थापन पक्षबाट हालका पार्टी सभापति एवम् प्रधानमन्त्री शेरबहादुर देउवाले उम्मेदवारी दिने बताएका छन् ।
प्रतिक्रिया दिनुहोस्