काठमाडौं, २४ पुस । दुर्लभ वन्यजन्तु रेडपाण्डाको छालासहित महानगरीय अपराध महाशाखाले चारजनालाई पक्राउ गरेको छ ।
दुर्लभ वन्यजन्तु रेडपाण्डाको छालाको कारोवार गर्ने व्यक्तिहरुको बारेमा गोप्य सूचनाका आधारमा काठमाडौंको टोखाबाट उद्धब बस्नेत सहित चारजनालाई आज दिउँसो पक्राउ गरिएको प्रहरीले जनाएको छ ।
ओखलढुंगा मानेभञ्ज्याङ गाउँपालिका ४ का बस्नेतसहित सोही स्थानका विष्णुबहादुर बस्नेत, नुवाकोट ककनी गाउँपालिका ५ का राजेन्द्र तामाङ र रामेछाप नगरपालिका ४ का ध्रुवकुमार खत्रीलाई पक्राउ गरिएको जनाएको छ ।
अभियुक्तअरुको साथबाट एक थान छाला र एक थान पुच्छर फेला परेको जनाएको छ । अभियुक्तहरुलाई कानुनी कारवाहीका लागि जिल्ला वन कार्यालय काठमाडौं पठाइएको अपराध महाशाखाले जनाएको छ ।
प्रतिक्रिया दिनुहोस्