जाजरकोट, १२ माघ । जाजरकोट जिल्लाको नलसिंङगाड जलविद्युत आयोजनाको पहुँच मार्ग निर्माण कार्य रोकिएको छ । पहुँच मार्ग निर्माणका लागि आवश्यक पर्ने विस्फोटक पर्दाथको अभावमा निर्माणकार्य रोकिएको हो । कालीमटी देखि मधेरीखोला सम्मको करिव ११ किलोमिटर सडक निर्माणका लागि काम भइरहेको भएपनि कडा चट्टना भएको स्थानमा आवश्यक विस्फोटक पर्दाथको अभावमा निर्माण दुई महिना देखि रोकिएको छ ।

अहिले कालीमटी देखि सहिद मानवहादुर रावल दुर्घटना स्थल सम्म करिव ४ किलोमिटर निर्माण कार्य सम्पन्न भएको छ । वाँकी सडक निर्माणका लागि विस्फोटक पदार्थ नहुँदा काम रोकिएको लामा खड्का , कृष्ण गाल्ला जे भी का प्रतिनिधी राजनसिंह रावलले जानकारी दिनुभयो ।

अहिले दुई महिना देखि खोलिएका ४ हजार भन्दा वढी प्वालहरुमा विस्फोटक पदार्थ विस्फोटन गर्नका लागि विस्फोटक पदार्थ नहुँदा काम ठप्प भएको छ । कडा चट्टान भएका कारण वलास्टिङ विस्फोटन नगरि काम गर्न नसक्ने अवस्था भएकाले सरकारले आवश्यक विस्फोटक पदार्थ उपल्व्ध नगराउदा काम रोकिएको रावलले वताउनुभयो । अहिले रुकुम, रोल्पा , कपिलवस्तु, वाँकेका ८० जना भन्दा वढी कामदारहरु काम विहिन भएर वसिरहेको र कामले अझै गति लिन नसकोे बताउनुभयो ।

विस्फोटक पदार्थ नपाए सम्म काम गर्न नसकिने रावलको भनाई छ । आर्थिक वर्ष २०७१ ७२ सालमा सम्झौता भई ३६ महिना भित्र निर्माण कार्य सम्पन्न गर्नका लागि खड्का , कृष्ण गाल्ला जे भी ले २४ करोडमा ठेक्का लिएको थियो । तोकिएको मिति सम्म आधा काम पनि नहुँदा यहाँका स्थानीयहरु आक्रोशित भएका छन् । पहुँच मार्ग निर्माणको ढिलाईका कारण वारेकोट गाउँपालिका जाँने स्थानीयवासीहरु दैनिक जीवनको वाजी लगाएर यात्रा गर्न वाध्य छन् ।
अप्ठयारो वाटोमा केही यात्रुहरुले पैसा तिरेर नलसिंङगाड खोला वारपार गर्न वाध्य छन् ।

वारेकोट गाउँपालिकामा खाद्यान्न लिन समेत समस्य हुँदै आएको छ । पहुँच मार्ग निर्माणको ढिलाईका कारण दैनिक मानिसहरु समस्यमा परेका छन् । यो आयोजना नलगाड नगरपालिका वडा ७ को दल्लीमा पावर हावस र वारेकोट गाउँपालिका को अधेरीखोलामा ड्याम वन्दै छ । ४ सय १० मेघावाट विद्युत उत्पादनको लक्ष्य राखिएको यो आयोजना ६ नम्वर प्रदेशकै सवै भन्दा ठुलो आयोजना हो ।