काठमाडौं, १८ भदौ । एसिया कपमा भारतविरुद्ध पावर प्लेमा नेपालले उत्कृष्ट प्रर्दशन गरेको छ।
श्रीलंकाको कान्डीस्थित पाल्केले क्रिकेट स्टेडियममा भारतले टस जितेर फिल्डिङ रोजेपछि ब्याटिङ गरेको नेपालले १० ओभरको समाप्तीमा १ विकेटको क्षतिमा ६५ रन बनाएर खेलिरहेको छ।
ओपनर कुशल भुर्तेल ३८ रन बनाएर आउट भए। कुशलले २५ बलमा ३ चौका र २ छक्का हाने।
क्रिजमा आशिफ शेख २३ र भिम सार्की शुन्य रनमा नटआउट छन्। आशिफले ३६ बलमा ४ चौक हानेका छन्।
पहिलो पाँच ओभरमा ३ क्याच छाडेपछि भारत केही दबाबमा देखिएको छ।
पहिलो खेलमा पाकिस्तानसँग २ सय ३८ रनको फराकिलो अन्तरले हार भोगेको नेपाल भारतविरुद्ध सम्हालिएर खेलिरहेको छ।
प्रतिक्रिया दिनुहोस्