काठमाडौं, १६ असोज । बझाङमा एकैदिन भूकम्पका दुई ठूला धक्का मापन गरिएको छ । मंगलबार दिउँसो २६ मिनेटको अन्तरमा भूकम्पका दुई ठूला धक्का मापन गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।
दिउँसो २ बजेर ४० मिनेटमा बझाङको तालकोट आसपास केन्द्रविन्दु भएर ५।३ म्याग्निच्युडको भूकम्प गएको थियो ।
त्यसको २६ मिनेटपछि अर्थात् ३ बजेर ६ मिनेटमा बझाङकै चैरपुर आसपास केन्द्रविन्दु भएर ६।३ म्याग्निच्युडको भूकम्प गएको केन्द्रका भूकम्पविद् भरत कोइरालाले बाह्रखरीलाई जानकारी दिए ।
यी दुवै धक्का परकम्प नभएर नयाँ भूकम्प भएको उनले बताए ।
६।३ म्याग्निच्युडको भूकम्पको धक्का देशका धेरै स्थानमा महसुस गरिएको बताइएको छ । उक्त भूकम्पको धक्का काठमाडौंसम्म महसुस गरिएको थियो ।
प्रतिक्रिया दिनुहोस्