काठमाडौं । आईसीसी एकदिवसीय विश्वकपको सेमिफाइनल खेलमा भारतले टस जितेर ब्याटिङ रोजेको छ। मुम्बईको बानखडे स्टेडियममा भारतका कप्तान रोहित शर्माले टस जितेर ब्याटिङ गर्ने निर्णय गरेका हुन्।
जारी खेलमा भारतका कप्तान शर्मा र शुभमन गिल ब्याटिङ गरिरहेका छन्।
समूह चरणको एक मात्र अपराजित भारत सबै ९ खेल जितेर फाइनलमा पुगेको हो।
यो खेल भारतलाई २०१९ विश्वकपको सेमिफाइनलमा न्युजिल्यान्डसँग हारको बदला लिने अवसर हुनेछ।
तर, विश्वकपलगायतका आईसीसी प्रतियोगितामा भारतविरुद्ध न्युजिल्यान्डको रेकर्ड निकै राम्रो छ।
हालसम्म आईसीसी प्रतियोगितामा भारत र न्युजिल्यान्डबीच १० खेल भएका छन्, जसमध्ये ८ खेलमा न्युजिल्यान्ड विजयी भएको छ।
यद्यपि लिग चरणमा भारतले धर्मशालामा न्यूजिल्यान्डलाई हराएको थियो, जुन २००३ को विश्वकपपछि पहिलोपटक थियो।
भारतले जारी विश्वकपको लिग खेलमा सबै ९ खेल जितेको छ।
प्रतिक्रिया दिनुहोस्