काठमाडौं १८ फागुन । अल्फाबेटको गुगलविरुद्ध २।३ अर्ब डलरबराबरको क्षतिपूर्ती माग गर्दै मुद्दा परेको छ । एक्सेल स्प्रिन्जर र शिब्स्टेडलगायत ३२ युरोपेली मिडिया समूहहरूले कम्पनीको डिजिटल विज्ञापनको अभ्यासका कारण घाटा बेहोरेको आरोप लगाउदै गुगलविरुद्ध मुद्दा दायर गरेका हुन् ।
अस्ट्रिया, बेल्जियम, बुल्गेरिया, चेक गणतन्त्र, डेनमार्क, फिनल्याण्ड, हंगेरी, लक्जमबर्ग, नेदरल्यान्ड्स, नर्वे, पोल्याण्ड, स्पेन र स्वीडेनका प्रकाशकहरुको समूहले गुगलको विज्ञापनले घाटा व्यहोरेको आरोप लगाएका छन् ।

‘समावेश मिडिया कम्पनीहरूले कम प्रतिस्पर्धी बजारका कारण घाटा व्यहोर्नु परेको छ, जुन गुगलको दुराचारको प्रत्यक्ष परिणाम हो’ कम्पनीहरुद्वारा जारी विज्ञप्तिमा उल्लेख गरिएको छ ।

कम्पनीका वकिलहरु भन्छन्,‘गुगलले आफ्नो प्रभावशाली स्थितिको दुरुपयोग नगरेको भए मिडिया कम्पनीहरूले विज्ञापनबाट उल्लेखनीय रूपमा उच्च राजस्व प्राप्त गर्ने थिए र विज्ञापन प्रविधि सेवाहरूको लागि कम शुल्क तिनु्पर्ने हुन्थ्यो । यी कोषहरू युरोपेली मिडिया परिदृश्यलाई बलियो बनाउन पुनः लगानी गर्न सकिन्थ्यो’ ।

गुगल एड टेक विजनेशविरुद्ध गत वर्ष फ्रान्सले लगाएको २२० करोड युरोबराबरको जरीवाना र युरोपेलि कमसिनले लगाएको जरीवानाले आफुहरुको दाबीलाई बल पुग्ने उनीहरुले बताएका छन् ।

गुगलले भने आपूर्ती श्रृंखलाको बिक्री पक्ष र खरिद पक्षबीच संलग्न मात्रै रहेको भन्दै युरोपेलि युनियको जरीवानाप्रति असमति जनाएको थियो ।

विश्वभरका प्रकाशकहरूले हालैका वर्षहरूमा विज्ञापनमा ठूला टेक कम्पनीहरुको बढ्दो प्रभुत्वको कारण राजस्वको घटेकोमा चिन्ता व्यक्त गरेका छन्।

विश्लेषकहरूका अनुसार गुगल विश्वको सबैभन्दा प्रभावशाली डिजिटल विज्ञापन प्लेटफर्म हो। (एजेन्सी