काठमाडौं २७ जेठ । भारतको अठारौं लोकसभा निर्वाचन सम्पन्न भए लगत्तै आइतबार प्रधानमन्त्री नरेन्द्र मोदीले लगातार तेस्रो पटक प्रधानमन्त्रीको रूपमा शपथ लिएका छन् । प्रधानमन्त्री नरेन्द्र मोदीले नयाँ गठबन्धन सरकारका ७२ जना मन्त्री बनेका छन् स। तीमध्ये ३० जना क्याबिनेट मन्त्री, पाँच जना विनाभिागीय र ३६ जना राज्यमन्त्री रहेका छन्।जवाहरलाल नेहरूले मात्र विगतमा हासिल गरेको उपलब्धिसंग मोदीले बराबरी गर्न आइपुगेका छन् । नयाँ सरकारमा राजनाथ सिंह, अमित शाह, जे पी नड्डा, एस जय शंकर, नितिन गडकरी, पियुष गोयल र मध्य प्रदेशका पूर्व मुख्यमन्त्री शिवराज सिंह चौहान, हरियणणाका पूर्व मुख्यमन्त्री मनोहरलाल खट्टर पनि मन्त्री बनेका छन् । पूर्व वित्तमन्त्री निर्मला सीतारमणले पनि क्याबिनेट मन्त्रीको रूपमा शपथ लिएकी छन्। राष्ट्रपति भवनमा ८ हजारभन्दा बढी पाहुनाहरूको उपस्सिथतिमा मोदी र उनको मन्त्रीपरिषदले आधिकारिक रूपमा एनडीएको तेस्रो कार्यकालको सुरुवात गरेको छ ।

अघिल्लो दिन नवनिर्वाचित सांसदहरू मोदीको निवासमा भेला भएका थिए, जसमध्ये धेरैलाई मन्त्रिपरिषदमा पनि समावेश गरिनेछ। अहिले ७२जना मन्त्री तथा राज्यमन्त्रीहरूले शपथ लिएका छन् ।

गठबन्धन सरकारमा तेलगु देशम पार्टीबाट २ जना मन्त्री र एक राज्यमन्त्री तथा नितिश कुमारको जनता दल युनाइटेडबाट १ मन्त्री र दुई राज्मन्त्रीले स्थान पाएका छन् । मोदी क्याविनेटमा टीडीपीका ३६ वर्षीय राममनोहर नायडु युवामन्त्री देखि र जितनराम माझी (७८)  वर्षका अर्का बृद्धमन्त्रीले समेत सस्थान पाएका छन् ।

शपथ ग्रहण समारोहमा को– को उपस्थित छन् ?
समारोहमा नेपालका प्रधानमन्त्री पुष्पकमल दाहाल प्रचण्ड, बङ्गलादेशकी प्रधानमन्त्री शेख हसिना, माल्दिभ्सका राष्ट्रपति मोहम्मद मुइजु, श्रीलंकाका राष्ट्रपछि रनिल विक्रमासिसंघे, भूटानका प्रधानमन्त्री तोग्वे र अन्यसहित भारतका छिमेकी र हिन्द महासागर क्षेत्रका धेरै गण्यमान्य व्यक्तिहरू उपस्थित छन् । काङ्ग्रेस अध्यक्ष मल्लिकार्जुन खडगेले शपथ ग्रहण समारोहमा भाग लिएका छन् भने तृणमूल काङ्ग्रेसकी प्रमुख ममता ब्यानर्जीले शनिबार आफ्नो पार्टीले शपथ ग्रहणमा भाग नलिने घोषणा गरेकी थिइन् ।

*अपडेटसहित