काठमाडौं, १ असार । आईसीसी टी–२० विश्वकप अन्तर्गत दक्षिण अफ्रिकाविरुद्ध नेपाललाई दोस्रो सफलता मिलेको छ। नेपालका ओपनर कुशल भुर्तेलले १२ औ ओभरको दोस्रो बलमा कप्तान एडेन मक्रमलाई १० रन बनाउँदा बोल्ड आउट गर्दै पेभेलियनको बाटो देखाए।
त्यसअघि अलराउण्ड दीपेन्द्र सिंह ऐरीले चौथो ओभरको चौथो बलमा दक्षिण अफ्रिकाका ओपनर क्वीन्टन डी कक लाई १० रन बनाउँदा आउट गरेका थिए। वेस्ट इण्डिजको सेन्ट भिसेन्टस्थित आर्नस भेल स्टेडियममा नेपालले टस जितेर फिल्डिङ रोजेपछि ब्याटिङ गरिरहेको दक्षिण अफ्रिकाले १२ ओभरको खेल जारी रहँदा २ विकेटको क्षतिमा ६८ रन बनाएर खेलिरहेको छ। सुपर ८ मा पुग्न जित्नैपर्ने दबाबमा रहेको नेपाली टोली विकेटका लागि संर्घष गरिरहेको छ।
प्रतिक्रिया दिनुहोस्