काठमाडौं ३ असोज । संसदीय सुनुवाइ समितिले सरकारले सिफारिस गरेका विभिन्न १७ देशका राजदूतबारे आज निर्णय लिँदैछ। सिंहदरबारमा जारी समितिको बैठकले यसअघि सिफारिस भएर सुनुवाइ सकिएका राजदूहरूको आज निर्णय लिने भएको हो।

समितिका एक सदस्यका अनुसार, १७ जना प्रस्तावित राजदूतबारे बिहीबारको बैठक निर्णय लिनेगरी अहिले छलफल भइरहेको छ।

प्रस्तावित १७ जना राजदूतको सुनुवाइ सकिएपछि अन्तिम निर्णयका लागि गत भदौ ३० ९आइतबार० बैठक बोलाइएको थियो। तर, प्रतिनिधिसभाको बैठकका कारण समय नपुग्ने भन्दै सुनुवाइ समितिको बैठक अचानक स्थगित गरिएको थियो।

सुनुवाइ समितिले प्रस्तावित राजदूतको सुनुवाइ गरेपछि परराष्ट्रमन्त्री आरजु राणा देउवासँग पनि छलफल गरेको थियो। उनीसँग विशेष गरी राजदूतको सिफारिस समावेशी नभएको बारे छलफल भएको थियो।

त्यस्तै समितिले प्रस्तावित राजदूतबारे परेको उजुरीलाई लिएर कानुनका जानकारसँग पनि छलफल गरेको थियो।

प्रस्तावित राजदूतमध्ये मलेसियाका लागि डा नेत्रप्रसाद तिम्सिना, भारतका लागि शंकरप्रसाद शर्मा र इजरायलका लागि धनप्रसाद पण्डित र दक्षिण अफ्रिकाका लागि सिफारिस भएका कपिल श्रेष्ठविरुद्ध उजुरी परेका छन्।

जारी छलफलमा रास्वपा उपसभापति तथा सुनुवाइ समितिका सदस्य डोलप्रसाद अर्यालले उजुरी परेकाहरूलाई सिफारिस गर्न नहुने धारणा राखेका छन्।