काठमाडौं २८ कात्तिक । सहकारीको रकम ठगी र संगठित अपराधको कसुरमा अनुसन्धानका कास्कीबाट रुपन्देही ल्याइएका रास्वपा सभापति, पूर्वगृहमन्त्री तथा गोर्खा मिडियाका पूर्वप्रबन्ध निर्देशक रवि लामिछानेसित बुधबार बिहान १० बजेबाट बयान लिन थालिएको छ । मंगलबार सुरु गरिएको बयान पूरा नभएपछि बुधबार पुनस् लिन सुरु गरिएको हो ।

बुटवलस्थित सुप्रिम बचत तथा ऋण सहकारी संस्थाको बचत रकम हिनामिना लगायत आरोपमा अनुसन्धानका लागि उनलाई मंगलबार मध्यान्ह बुद्ध एयरको विमानबाट भैरहवा ल्याइएको थियो । यहाँ ल्याउने वित्तिकै बयानका लागि लामिछानेलाई सरकारी वकिलको कार्यालय पुर्‍याइएको थियो । जिल्ला न्यायाधिवक्ता प्रेमराज पौडेलसहित अन्य अनुसन्धान अधिकृतले लामिछानेको बयान लिइरहेका छन् ।

मंगलबार बयान नसकिएपछि बुधबार बिहान लामिछानेलाई १० बजेर १० मिनेटमा सरकारी वकिलकको कार्यालय पुर्‍याइएको थियो । लामिछानेलाई प्रहरीले सुरक्षा घेरा बनाएर सरकारी वकिल कार्यालय प्रवेश गराएको थियो ।