काठमाडौं ५ मंसिर । कांग्रेस प्रवक्ता एंव पूर्वपरराष्ट्रमन्त्री प्रकाशशरण महतले प्रधानमन्त्री केपी शर्मा ओलीको चीन भ्रमणका क्रममा चीनले लामो समयदेखि गरिरहेका प्रतिबद्धताहरूलाई अनुदानको रुपमा दिँदा उपयुक्त हुने बताएका छन् ।
प्रधानमन्त्रीको भ्रमणको विषयका काुराकानी गर्दै उनले नेपाललाई वार्षिक रुपमा गरेका प्रतिबद्धता अनुसार दिए राम्रो हुने उल्लेख गरे ।

प्रधानमन्त्री केपी शर्मा ओलीले यहि मंसिर १७ देखि २१ सम्म चीनको औपचारिक भ्रमण गर्दैछन् । उक्त भ्रमणलाई लिएर नेपालमा अहिले गृहकार्य चलिरहेको छ ।

नेपाली कांग्रेस स्पष्ट छ । हामीले पहिले नै बीआरआईमा अनुदान लिने भनेका छौं । हाम्रो अर्थतन्त्रको अवस्थालाई हेर्दा अनुदानलाई नै स्वीकार गर्ने हो । चीनले लामो समयदेखि नेपाललाई वार्षिक रुपमा प्रतिबद्धता गरिरहेको छ, त्यहि पहिले गरेका प्रतिबद्धतालाई बीआरआई अन्तर्गत अनुदान दिँदा पनि हुन्छु पूर्वपरराष्ट्रमन्त्री महतले कान्तिपुरसँग भने ।

नेपाललाई अनुदान दिने विषय चीन सकारात्मक रहेको आफूले पाएको उनले बताए । अहिले पोखरा अन्तर्राष्ट्रिय विमानस्थलको ‘रनिङ कस्ट’ उठ्न सकेको छैन । त्यसैले पनि हामीले चीनलाई उक्त विमानस्थलको ऋणलाई अनुदानमा बदल्नको लागि प्रस्ताव गर्ने योजना छु महतले भने ।