काठमाडौ १२ जेठ । कैलालीमा त्रिनगर भन्सार कार्यालय प्रमुखमाथि अभद्र व्यवहार गरेको आरोपमा तीन नगर प्रहरीसहित ४ जना पक्राउ परेका छन्।

पक्राउ पर्नेमा बैतडी दशरथचन्द नगरपालिका(१० का ५३ वर्षीय नगर प्रहरी लक्ष्मण सिंह धामी, धनगढी उपमहानगरपालिका(४ का ४६ वर्षीय नगर प्रहरी हवल्दार मणीदत्त भट्ट, वडा(५ का ४३ वर्षीय प्रहरी जवान जितेन्द्र सिंह धामी, कञ्चनपुर पुनर्वास नगरपालिका(१० का ४३ वर्षीय सवारी चालक रतन मल्ल छन्।

शनिबार राति ११ बजे धनगढी उपमहानगरपालिका(२ स्थित भन्सार कार्यालयको परिसरभित्र प्रमुख अनन्त तिमल्सिनामाथि अभद्र व्यवहार गरी कुटपिट गरेको आरोपमा उनीहरूलाई पक्राउ गरिएको हो।

उनीहरूलाई जिल्ला प्रहरी कार्यालयको टोलीले आइतबार पक्राउ गरेको हो। उनीहरूमाथि अभद्र व्यवहारको जाहेरी आएपछि पक्राउ गरिएको जिल्ला प्रहरी कार्यालयले जनाएको छ।

यस घटनामा प्रहरीले अनुसन्धान गरिरहेको छ।