काठमाडौं, १८ चैत । फरेन्सीक ल्याबबाट आएको रिर्पोटले गुण्डा नाईके गणेश लामाको साथमा फेला परेको पेस्तोल बाटै गोली चलेको पुष्टी गरेको छ । गुण्डा नाईके लामालाई फागुन ३० गते गौशालास्थित पशुपति भिजन अगाडी गोली चलेपछि प्रहरीले पेस्तोल र गोली सहित पक्राउ गरेको थियो ।

लामाले आफुमाथि आक्रमणको प्रयास भएपछि उसैको हतियार नियन्त्रणमा लिएको र उक्त हतियार आफ्नो नभएको इन्कारी बयान दिएका थिए । प्रहरीले उक्त पेस्तोल र हतियार जाँचका लागी फरेन्सिक ल्याबमा पठाएको थियो ।

‘गणेश लामाको साथमा फेला परेको हतियारबाटै गोली चलेको पुष्टि भएर आएको छ’ महानगरीय प्रहरी परिसर काठमाडौंका प्रमुख ९एसएसपी० विश्वराज पोखरेलले भने, ‘लामाको साथमा फेला परेको हतियार र घट्नास्थलमा फेला परेको गोलीको खोका हामीले फरेन्सिक जाँचका लागी पठाएका थियौं ।’

फागुन ३० गते अचानक गोली चलेको आवाज आएसँगै घट्नास्थमा पुगेको प्रहरीले लामाको साथमा फेला परेको ‘टाइप ५४ चाईनिज ठूलो’ पेस्तोल र ६ राउण्ड गोली बरामद गरेको थियो । ‘टाइप ५४ चाईनिज ठूलो’ प्रहरीले पनि प्रयोग गर्दै आएको छ । प्रहरीले प्रयोग गर्ने उक्त पेस्तोल द्वन्द्वकालमा हराएको या लुटिएको हतियार हुनसक्ने बताइएको छ ।

उक्त हतियारको नम्बर मेटेको अवस्थामा लामको साथबाट प्रहरीले बरामद गरेको थियो ।

लामा नेपाली काङ्ग्रेसबाट प्रदेशसभातर्फ काभ्रेबाट चुनाव लडेका थिए । उनीमाथी काठमाडौं प्रहरीले हिरासतमा राखेर हातहतियार तथा खरखजाना मुद्दामा अनुसन्धान गरिरहेको छ ।