काठमाडौ २० साउन । अमेरिकी विद्युतीय सवारी निर्माता टेस्लाले आफ्ना मालिक इलोन मस्कलाई २९ अर्ब अमेरिकी डलरबराबरको सेयर उपहार दिने भएको छ । मस्कलाई कम्पनीमा राखिराख्न यो परिमाणको सेयर टेस्लाले दिनलागेको हो ।

सन् २०१८ मा उनले पाउने तलब, भत्ता र सुविधाको एकमुष्ट प्याकेज अमेरिकी अदालतले रोकेको थियो । उक्त प्याकेज नै ५० अर्ब अमेरिकी डलरको थियो । अदालतले त्यसबेला यसलाई अन्य सेयरसदस्यका लागि न्यायसंगत नभएको बताएको थियो ।

यद्यपि त्यो निर्णयविरुद्ध मस्कले पुनरावेदन गर्दै आएका छन् । सन् २०२४ मा उनले डेलावेयर अदालतको निर्णयमा असन्तुृष्टि राख्दै आएका छन् । सोमबार टेस्लाले आफ्ना सेयर सदस्यहरुलाई २९ अर्ब डलरको प्याकेजले कम्पनीलाई टेस्लामै रहिरहन मद्दत गर्ने जनाएको छ । पछिल्लो समय कृत्रिम बौद्धिकताको ‘युद्ध’ चर्किरहँदा टेस्लाले यो निर्णय लिएको हो । यसले मस्कको विद्युतीय कार निर्माताको सञ्चालक समितिमा मत शक्ति समेत बढ्नेछ ।

टेस्लाले मस्कको नेतृत्वको उच्च प्रशंसा समेत गरेको बीबीसीले जनाएको छ । टेस्लाले यदि २०१८ को प्याकेजबारेको निर्णय अहिले सदर भए यो प्याकेज मस्कले फिर्ता गर्ने पनि उल्लेख गरेको छ । टेस्ला बोर्डले मस्कलाई ५६ अर्ब डलरबराबरको सम्झौता गर्ने समेत उल्लेख गरेको छ । यो साँच्चै भएमा अमेरिकी कर्पोरेट इतिहासमै ठूलो प्याकेज हुनेछ ।

खासगरी टेस्लाको बजार मूल्य, बिक्री र नाफालाई ध्यान दिएर प्याकेजबारे टेस्लाले निर्णय लिएको थियो । जसमा मस्क सफल भएका थिए ।