जनकपुर ५ माघ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) र पूर्वयुवराज पारस शाह जनकपुरधामस्थित एउटै होटलमा बास बसेका छन्।
आइतबार साँझ जनकपुर आइपुगेका बालेन र विराटनगरबाट आएका पूर्वयुवराज पारस ‘मिथिला यात्री निवास’ मा बसेको पुष्टि भएको छ। स्रोतका अनुसार पूर्वयुवराज्ञी हिमानी शाह पनि सोही होटलमा रहेकी छिन्।
बालेन शाह रास्वपाले सोमबार जनकपुरमा आयोजना गर्ने ‘परिवर्तन उद्घोष सभा’ मा सहभागी हुन आजै हवाईजहाजमार्फत जनकपुर आएका हुन्।
उता, पूर्व राजपरिवारका सदस्यहरू विराटनगर हुँदै जनकपुर पुगेको बुझिएको छ।
एकै होटलमा बास बसेको घटनाले जनकपुरको राजनीतिक र सामाजिक वृत्तमा चासो र चर्चा बढेको छ।
प्रतिक्रिया दिनुहोस्