गुल्मी, २३ चैत । जिल्ला प्रसासन कार्यालय गुल्मी अगाडी केहिदिन देखि जम्बो टोलीले खुलेआमा जुवा खेलाउँदा पनि सिडियो साप रमिते बनेर बसेका छन् । तेस्रो गुल्मी महोत्सव शुरु भएसंगै जिल्ला प्रसासन कार्यालय अगाडी गैर कानुनी हाउजि, बिङ्गो, तम्बोला खेल भैरहेको छ । तर प्रमुख जिल्ला अधिकारी गोपाल प्रसाद अर्याल मुर्खदर्शक छन् ।

बिहिबार साँझ लाँकुरी मञ्चमा त्यो खेल खेल्ने र खेलाउनेहरु महोत्सवमा भन्दा धेरै थिए । तर सिडियो साप र प्रहरी प्रसासनले रोग्नुको सट्टा उनीहरुलाई नै सुरक्षा प्रदान गरिरहेका थिए । यस बिषयमा प्रमुख जिल्ला अधिकारीलाई सोध्दा आज रोक्न निर्देशन दिएको बताए ।

शुक्रबार बिहान चौतर्फी फोन आएपछि मात्रै अर्यालले निर्देशन दिएका छन् । प्रहरी प्रमुख अनुराग कुमार द्धवेदीले पनि त्यो काम गैरकानुनी भएकाले आज साँझबाट खेल बन्द गरिने बताए । गैर कानुनी खेललाई कुनै स्विकृति नदिएकाले प्रसासन कार्यालयको निर्देशन अनुसार रोकिएको बताए । महोत्सवलाई अवसरको रुपमा लिएपनि त्यो खेलसंग गुल्मी उद्योग बाणिज्यसंघको कुनै सम्बन्ध नरहेको संघका एक पदाधिकारी बताए ।

गएको माघेसक्रान्तिमा रिडिमा पनि हाउजिबिङ्गो खेल संचालन भएको थियो । त्यहाँ पनि प्रसासनले कुनै चासो नदिएको स्थानीयले गुनासो गरेका थिए । दवाव नआएको भए सिडियो सापले देखेको नदेखे जस्तै गरेरै १० दिन कटाउने मनासायमा रहेको लाँकुरीमञ्चका स्थानीय बताउँछन् ।