काठमाडौं, २४ चैत । काठमाडौंको टोखा नगरपालिका ९ मिलनटोलस्थित भूमेश्वरी गेस्टहाउसमा मृत अवस्थामा भेटिएकी युवतीको परिचय खुलेको छ ।
प्रहरीले शरीरमा खोपेको टाटुको आधारमा युवतीको पहिचान गरेको हो । उनी चितवन घर भएकी रियाना अधिकारी ‘रिया’ भएको प्रहरीले जानकारी दिएको छ ।
उनको शव खुट्टामा तौलिया र घाँटीमा रुमालले बाँधेको अवस्थामा शुक्रबार बिहान गेस्टहाउसको कोठा नम्बर २०३ मा भेटिएको थियो ।
गेष्ट हाउस सञ्चालक कोठामा बिल लिएर जाँदा उनी कोठाभित्र मृत अवस्था भेटिएकी थिइन् ।
युवतीसँगै राति गेष्ट हाउसमा आएका दाङ घोराही नगरपालिका–१ का २६ वर्षीय विकास वली फरार छन् । उनको खोजी कार्य जारी रहेको प्रहरीको भनाइ छ ।
यूवकले गेस्टहाउसमा टिपाएको नाम साँचो वा फेक हो भनेर महानगरीय अपराध महाशाखाले समेत घटनाको अनुसन्धान गरिरहेको छ।
प्रतिक्रिया दिनुहोस्