काठमाडौं । नेकपा एमालेका अध्यक्ष केपी शर्मा ओलीले नेपाललाई समृद्ध बनाएपछि मात्र नेपालीले सुख पाउने बाटो खुल्ने बताएका छन्।

३२औँ विश्व आदिवासी दिवसका अवसरमा शुभकामना सन्देश जारी गर्दै ओलीले देश समृद्धिको यात्रामा केही समय अवरोध आए पनि लामो समयसम्म त्यस्तो अवस्था नरहने बताएका हुन्।

उनले दशकौँको संघर्ष र बलिदानबाट प्राप्त समावेशी प्रतिनिधित्व, न्याय र समानतामा आधारित संविधानको रक्षा र सुदृढीकरण गर्नु सबैको दायित्व भएको बताए।

नेपालको जातीय, भाषिक, धार्मिक, सांस्कृतिक र भौगोलिक विविधतालाई विभाजनको आधार नभई राष्ट्रिय एकता र शक्तिका रूपमा अघि बढाउनुपर्ने ओलीको भनाइ छ।

विश्व आदिवासी दिवसका अवसरमा स्वदेश तथा विदेशमा रहेका सम्पूर्ण आदिवासी समुदायलाई शुभकामना दिँदै उनले सदियौँदेखि कायम मेलमिलाप, भाइचारा र सहअस्तित्वको परम्परालाई अझ बलियो बनाउनुपर्नेमा जोड दिएका छन्।

Originally published on abcnews.com.np.