चाँदीको भाउ पनि बढ्यो, प्रतितोला ४ हजार ६ सय ४५ रुपैयाँ कायम

काठमाडौं । नेपाली बजारमा सुनको मूल्यले फेरि नयाँ उचाइ छोएको छ। आइतबार सुनको भाउ प्रतितोला ३ लाख रुपैयाँ नाघेको छ।

नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला ४ हजार ८ सय रुपैयाँले बढेर ३ लाख १ हजार ७ सय रुपैयाँ कायम भएको छ।

यसअघि गत शुक्रबार सुन प्रतितोला २ लाख ९६ हजार ९ सय रुपैयाँमा कारोबार भएको थियो।

यससँगै दुई कारोबार दिनको बीचमा सुनको मूल्य प्रतितोला ३ लाख रुपैयाँको मनोवैज्ञानिक सीमासमेत पार गरेको हो।

चाँदी पनि महँगियो

सुनसँगै चाँदीको मूल्यसमेत बढेको छ।

महासंघका अनुसार आइतबार चाँदीको मूल्य प्रतितोला ६५ रुपैयाँले बढेर ४ हजार ६ सय ४५ रुपैयाँ पुगेको छ।

गत शुक्रबार चाँदी प्रतितोला ४ हजार ५ सय ८० रुपैयाँमा कारोबार भएको थियो।

यसरी एकैदिन सुन र चाँदी दुवैको मूल्य बढेको छ। सुनको मूल्यमा आएको तीव्र वृद्धिले नेपाली बजारमा बहुमूल्य धातुको कारोबार र उपभोक्ताको खरिद क्षमतामा थप दबाब पर्ने देखिएको छ।

Originally published on abcnews.com.np.