काठमाडौं । नेपालका वाणिज्य बैंकहरूले सार्वजनिक गरेको आर्थिक वर्ष २०८२/८३ को चौथो त्रैमासिक वित्तीय विवरणअनुसार प्रतिशेयर वितरणयोग्य नाफामा एभरेष्ट बैंक शीर्ष स्थानमा देखिएको छ।

हालसम्म वित्तीय विवरण सार्वजनिक गरेका वाणिज्य बैंकमध्ये एभरेष्ट बैंकले प्रतिशेयर रु. ३८.३२ वितरणयोग्य नाफा कमाएको छ। सिद्धार्थ बैंक रु. २६.१५ सहित दोस्रो र सानिमा बैंक रु. २०.८५ सहित तेस्रो स्थानमा छन्।

त्यस्तै, नबिल बैंकको प्रतिशेयर वितरणयोग्य नाफा रु. १९.१०, ग्लोबल आइएमई बैंकको रु. १२.०२ र एनएमबि बैंकको रु. ९.०८ रहेको छ।

वित्तीय विवरण सार्वजनिक गरेका बैंकमध्ये कृषि विकास बैंकको वितरणयोग्य नाफा सबैभन्दा कम रु. ६.५४ प्रतिशेयर रहेको छ। नेपालमा हाल २० वटा वाणिज्य बैंक सञ्चालनमा रहे पनि अन्य बैंकहरूको वित्तीय विवरण सार्वजनिक हुन बाँकी रहेकाले समग्र वाणिज्य बैंकको लाभांश क्षमता भने सबै विवरण आएपछि मात्र स्पष्ट हुनेछ।

Originally published on abcnews.com.np.