काठमाडौं । प्रमुख प्रतिपक्षी दल नेपाली कांग्रेसले प्रधानमन्त्री वालेन्द्र शाहको सीमा सम्बन्धी अभिव्यक्ति सच्याउन पुनः ध्यानाकर्षण गराएको छ।
प्रतिनिधिसभाको बैठकमा कांग्रेसका तर्फबाट बोल्दै सांसद रेनुका काउँचाले प्रतिपक्ष प्रधानमन्त्रीको शाख गिराउने नभई उचो बनाउने पक्षमा रहेको बताउनुभयो। उहाँले प्रधानमन्त्रीले सत्य स्वीकार गर्दै विपक्षीसहित सदनमार्फत नागरिकसँग संवाद गर्ने आँट नदेखाएका कारण आलोचना बढिरहेको बताउनुभयो।
सांसद काउँचाले प्रधानमन्त्रीले आफूबाट भएका गल्ती सच्याउँदा पदको गरिमा घट्ने नभई अझ बढ्ने तर्क गर्नुभयो। उहाँले प्रधानमन्त्रीलाई सीमा सम्बन्धी अभिव्यक्ति सच्याउँदै प्रतिपक्ष र नागरिकसँग संवाद गरेर अघि बढ्न आग्रह गर्नुभयो।
Originally published on abcnews.com.np.
प्रतिक्रिया दिनुहोस्