काठमाडौँ । साताको पहिलो कारोबार दिन सोमबार नेपाल स्टक एक्सचेन्ज (नेप्से) परिसूचक ९.०४ अंकले घटेर २ हजार ६४१.०५ विन्दुमा झरेको छ।

नेप्सेका अनुसार आज ३ अर्ब ६७ करोड रुपैयाँभन्दा बढीको सेयर कारोबार भएको छ। कुल १ करोड कित्ता सेयर खरिदबिक्री भएका छन्।

कारोबार भएका कम्पनीमध्ये ८२ वटाको सेयर मूल्य बढेको छ भने १८० वटा कम्पनीको सेयर मूल्य घटेको छ। यस्तै, १४ वटा कम्पनीको सेयर मूल्य स्थिर रहेको छ।

आज बढ्ने सेयरमध्ये अधिकतम ८.४७ प्रतिशतसम्म वृद्धि भएको छ भने घट्ने सेयरमध्ये अधिकतम ९.७० प्रतिशतसम्म गिरावट आएको छ। कारोबार रकमका आधारमा सबैभन्दा बढी ४६ करोड रुपैयाँको कारोबार भएको छ।

समूहतर्फ जलविद्युत्, उत्पादन तथा प्रशोधन, माइक्रोफाइनान्स र निर्जीवन बीमा समूहका सेयर मूल्य बढेका छन्। अन्य अधिकांश समूहका सेयर मूल्य भने घटेका छन्।

बढ्नेभन्दा घट्ने कम्पनीको संख्या उल्लेख्य रहेपछि समग्र नेप्से परिसूचक पनि नकारात्मक बनेको हो।

Originally published on abcnews.com.np.