काठमाडौं । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानबहादुर शाहीले प्रतिपक्षले सरकारलाई प्रश्न गर्दा ‘केपी ओलीका कार्यकर्ता’को ट्याग भिराउने र ‘सरकारलाई काम गर्न दिएन’ भन्ने जवाफ दिने गरेको भन्दै आपत्ति जनाएका छन् ।

प्रतिनिधिसभाको सोमबारको बैठकमा शाहीले यस्तो आपत्ति जनाएका हुन् । जनताले आफूहरूलाई प्रश्न गर्न निर्वाचित गरेर पठाएको भन्दै शाहीले प्रतिपक्षको भूमिकामा रहेकाले सरकारसँग प्रश्न गर्न पाउनुपर्ने बताए ।

“अहिले प्रतिपक्षले प्रश्न गर्नेबित्तिकै दुईवटा जवाफ आउँछन्- एउटा–केपी ओलीको कार्यकर्ता, अर्को– सरकारलाई काम गर्न दिएन,” शाहीले भने, “हामी प्रश्न गर्नेबित्तिकै अरु पार्टीका हुँदैनौँ । प्रश्न गर्छौं । जनताचले हामीले प्रश्न गर भनेर पठाएका हुन् त्यसकारण हामीले प्रश्न गर्न पाउनुपर्छ ।”

Originally published on abcnews.com.np.