काठमाडौँ । देशका केही स्थानमा आज वर्षाको सम्भावना रहे पनि भारी वर्षाको पूर्वानुमान भने नरहेको जल तथा मौसम विज्ञान विभागले जनाएको छ। विभागका अनुसार देशका विभिन्न भूभागमा मेघगर्जन तथा चट्याङसहित मध्यम वर्षा हुनसक्ने सम्भावना छ।

दिउँसो कोसी र मधेस प्रदेशका साथै देशका हिमाली तथा पहाडी भूभागमा साधारणतया बदली रहनेछ। वाग्मती, गण्डकी, लुम्बिनी र सुदूरपश्चिम प्रदेशका तराई भूभागमा भने आंशिक बदली रहने अनुमान गरिएको छ।

हिमाली तथा पहाडी क्षेत्रका थोरै स्थानमा मेघगर्जन तथा चट्याङसहित मध्यम वर्षा र हिमपात हुनसक्ने विभागले जनाएको छ।

त्यस्तै, कोसी, मधेस र वाग्मती प्रदेशका तराई भूभागका थोरै स्थान तथा गण्डकी, लुम्बिनी र सुदूरपश्चिम प्रदेशका तराई क्षेत्रका एक–दुई स्थानमा पनि मेघगर्जन तथा चट्याङसहित मध्यम वर्षाको सम्भावना रहेको छ।

राति पनि वर्षाको सम्भावना

राति देशभर साधारणतया बदली रहने विभागको पूर्वानुमान छ।

कोसी, वाग्मती र गण्डकी प्रदेशका हिमाली तथा पहाडी भूभागका केही स्थानमा तथा लुम्बिनी, कर्णाली र सुदूरपश्चिम प्रदेशका हिमाली तथा पहाडी क्षेत्रका थोरै स्थानमा मेघगर्जन तथा चट्याङसहित मध्यम वर्षा वा हिमपात हुनसक्नेछ।

यस्तै, कोसी, वाग्मती, गण्डकी र सुदूरपश्चिम प्रदेशका तराई भूभागका थोरै स्थान तथा मधेस प्रदेशका एक–दुई स्थानमा पनि मेघगर्जनसहित मध्यम वर्षाको सम्भावना रहेको विभागले जनाएको छ।

मनसुनी वायुको प्रभाव

हाल देशभर मनसुनी वायुको प्रभाव रहेको छ। मौसमविद्का अनुसार मनसुनको न्यूनचापीय रेखा सरदर स्थानको आसपास रहेकाले देशका विभिन्न क्षेत्रमा बदली र वर्षाको अवस्था देखिएको हो।

हालका लागि भारी वर्षाको सम्भावना नरहे पनि मेघगर्जन, चट्याङ र स्थानीय रूपमा हुने मध्यम वर्षालाई ध्यान दिई आवश्यक सतर्कता अपनाउनविभागले आग्रह गरेको छ।

Originally published on abcnews.com.np.